Тунисын нийслэлд Бардо дүүрэг дэх Үндэсний ассамблейн дэргэд 40 орчим мянган хүн жагсч өнөөгийн Засгийн газрыг огцрохыг шаардаж байна хэмээн Франс Пресс агентлаг мэдээллээ. Засгийн газрын эсрэг жагсаал цуглаан Тунист өнгөрсөн долоо хоногт сөрөг хүчний улстөрч, исламынхныг шүүмжлэгч Мохаммед аль-Брахмиг гэрийнх нь дэргэд үл таних хүн буудан хөнөөсний дараагаар эхэлсэн юм. Аль-Брахмигийн амь насанд халдсаны дараагаар сөрөг хүчнийхэн төр засгийн шат шатны байгууллагын барилгуудыг эзэлж, гудамжинд гаран жагсч эхэлжээ.