Майкл Лехбергер хэмээх энэ эрэгтэй 29 настай боловч аль хэдийнэ 400 кг жин биедээ хуримтлуулаад байгаа нэгэн. Хэт таргалалтын улмаас түүний зүрх муудаж, түргэн дуудтал эмч нар түүнийг гэрээс нь гаргаж хүчрээгүй, эцэстээ аврагчид дуудан зургаан цаг ноцолдсоны эцэст байшингийнх нь ханыг нурааж, гадагш гаргажээ. Хэтэрхий хүнд биеэ даадаггүй энэ залууг гэрээсээ гарахыг сүүлийн хоёр жил лав хөршүүд нь хараагүй гэж ярьж байна. Үнэхээр ч тэр хаалгаараа багтаж гарах аргагүй болсон байжээ. Тиймээс амь насыг нь аврахын тулд арга буюу ханыг нь эвдлээд түүгээрээ хүнд даацын ачаа өргөж байгаа аятай экскаваторын шанагаар буулгаад дөрвөн хүн хэвтүүлэх зориулалттай түргэний тэргээр эмнэлэгт хүргэжээ.  Дэлхийн хамгийн тарган хүмүүсийн нэгд орох энэ герман залуу ахлах сургуульд байхаасаа илүүдэл жинтэй байсан нь өнөөдөр эрүүл мэндийг нь асар их дордуулаад байна.