Канадын өмнөд нутгийн Нью-Брансуик мужийн Кампбелтон хотод хоёр давхар орон сууцны нэг давхарт нь байдаг "Рептайл оушн" амьтны дэлгүүрийн аварга могой өнгөрсөн шөнө торноосоо гарч оргожээ. Хамгийн харамсалтай нь оргогч агааржуулагч хоолой даган хоёр дугаар давхарт гаран амьтны дэлгүүрийн эзний гэрт орж, тэднийд зочилж ирээд унтаж байсан найзынх нь 7, 5 настай хоёр жаалыг ороон боогоод алчихсан гэнэ. “Урьдчилсан таамгаар могой хүүхдүүдийг унтаж байхад нь ороож алсан бололтой” гэж цагдаагийнхна хэлж байна. Одоог амьтны дэлгүүрийн эзэн, ажилтнуудыг хариуцлага алдсан хэмээн сэжиглэж бариад байгаа юм байна. Жижиг хотынхон ч бүгдээрээ шокод оржээ.