МАН-ын Бага хурлын YIII дугаар хуралдаанаар МАН-ын XYII их хурлыг аравдугаар сарын 27-ны өдөр хуралдуулахаар тогтсон байна. Бага хурлын хуралдаан дээр намын дарга Ө.Энхтүвшин тавьсан илтгэлдээ “МАН-ын өмнө тулгамдсан зорилтууд, тэдгээрийг шийдвэрлэх арга замын талаар цэгцтэй бодлого дэвшүүлэхийн тулд энэ оны 10 дугаар сард МАН-ын ээлжит 27 дугаар Их хурлаа хуралдуулах нь зүйтэй гэж үзэж байна.
Энэ бол онцгой нөхцөлд хуралдах түүхэн Их хурал байх болно.
Монголын олон нийтийн хүсэн хүлээсэн шийдвэр гаргахын тулд Их хурлаа сайтар зохион байгуулах ёстой” гэсэн юм.
Ингээд их хурал хуралдуулах хугацаагаа тогтсоны дараа Бага хурал МАН-ын их хурлын төлөөлөгч сонгох журмаа хэлэлцсэн байна. Энэ  журмаар намны их хурлын төлөөлөгчийг намын байгууллага, хэдэн гишүүн тутмаас нэг гишүүн сонгох, энэ ажлын намын анхан шатны байгууллагууд хэрхэн зохион байгуулахыг нарийн зааж өгөх юм байна.