Өнгөрсөн шөнө Японы зүүн хойд нутгаар газар 6,0 баллын хүчтэй  хөдөллөө хэмээн японы мэдээллийн агентлагуудын мэдээллээс иш татан ИТАР-ТАСС агентлаг мэдээллээ. Үүний дараа мөн л 4,2 баллын чичирхийлэл давтагдсан байна.
Газар хөдлөл тус улсын төвийн болон зүүн хойд нутгийн 18 аймгийн нутагт мэдрэгдсэнээс гол нь Хонсю арал, “Фукусимой” аймаг, нийслэлийн бүсэд илүү байжээ.   Газар хөдлөлийн төв нь  Мияги аймгийн нутагт газрын гүнд 50 км-т байсан байна.
Газар хөдлөлийн улмаас хүний амь үрэгдсэн болон бэртэж гэмтсэн, эдийн засгийн хохирол гарсан тухай мэдээлээгүй байна. Харин цунами үүсэх магадлалтай гэж зарласнаас эрэг орчмын оршин суугчид гэр орноосоо гарч явсан байна.
Газар хөдлөл болсноос хойш хэдэн цагийн дараа японы мэргэжилтнүүд Фукусимо станцад ямар нэгэн хохирол учраагүй гэж мэдэгдсэн байна.
2011 оны гуравдугаар сарын 11-нд японы зүүн хойд нутагт  болсон газар хөдлөлөөр 20 мянган хүн амь алдаж, “Фукусимо” Атомын цахилгаан станцад осол гаран радиац алдагдсан юм. Ослын уршгийг арилгаж, станцыг бүрэн засварлахад даруй 40 жил шаардагдана гэж мэргэжилтнүүд тооцоолоод байгаа юм.