Хэрэв цөмийн дайн гарсан бол хатан хаан Елизавета II ард түмэндээ хандаж хэлэх үгийн эх ноорог Их британид олон нийтэд ил боллоо. Энэ илгээлтийг дэлхийн гурвадугаар дайн гарвал Британийн засгийн газар хэрхэн ажиллах вэ гэдэг хээрийн сургуулийн үеэр 1983 онд бэлтгэн, өнөө хүртэл Үндэсний архивт хадгалж байжээ.
Энэ үгийг цөмийн дайны яг эхээр 1983 оны гуравдугаар сарын 4-ний үд дунд хатан хаан радиогоор хэлэхээр бэлтгэсэн байж. Харин тэр сургуулилтын үеэр армийнхны бэлтгэсэн энэ үгийг хатан хаан өөрөө үзээ ч үгүй гэнэ. Тэр үгэнд “Хүн төрөлхтний түүхэнд нэзээ нэгэн цагт тохиох байсан тийм аюулын өмнө бид ирлээ. Гэхдээ ямар ч аюул тулгарлаа гэсэн өмнө нь хоёр удаа ийм гамшиг тохиолдож байсан энэ зуунд манай эрх чөлөө, аз жаргалыг хадгалж үлдэх тийм хүчин чадал, мөн чанар бидэнд бий” гэж хэлэх ёстой байж.
1983 онд болсон цэргийн сургуулилтаар Зөвлөлт Холбоот Улс, Варшавын гэрээний бусад орнууд Их британи руу химийн дайралт хийж байна гэж сургуулилсан юм байна. Хариуд нь НАТО-гийн орнууд цөмийн бөмбөг хэрэглэх гэнэ.
Энэ баримт бичиг хэвлэгдсэнээр “Хүйтэн дайн”-ы үед Их британи улс цөмийн аюулд хэрхэн хандаж байсныг илчилсэн хэрэг болж байна.
1983 оны гуравдугаар сард АНУ-ын ерөнхийлөгч байсан Рональд Рейган ЗХУ-ыг  “Зовлонгийн эзэнт гүрэн” хэмээн нэрлэж Европын улс орнууд, Их британийн нутагт далавчит пуужин байрлуулахаар болж байсан юм.