Хэдэн жилийн өмнө АНУ-ын Нью-Йоркт өөрт байгаа хүнсний зүйлээ өөр бүтээгдхүүнээр сольж авч болдог дэлгүүр нээж байсан бол саяхнаас Их Британи, Франц, европын бусад орнуудад ийм дэлгүүр нээжээ. Энэ хөдөлгөөний үндэслэгч Кейт Пейн ийм дэлгүүртээ Food swapping буюу “Хүнс солих” гэсэн нэр өгсөн байна.
Түүнийхээр бол фермерүүд, хотынхон өөрийн ногоо, сүү, талх гээд илүүдэл бүтээгдхүүнээ авчирч өгөөд оронд нь өөрт хэрэгтэй байгаа өөр хүнсний зүйл авч болох юм гэнэ. Ингэснээр ялангуяа ХАА-н бүтээгдхүүнийг ченжүүдээр дамжуулалгүй хэрэгтэй хүнд нь хүргэх, хотынхон хүнсний бүтээгдхүүний илүүдлээ хаядгийг багасгах, зайлшгүй биш их нөөц хуримтлуулахаас сэргийлэх сайн талтай гэж үзэж байгаа юм.