Тайландад үргэлжлэн орж байгаа борооны улмаас голууд үерлэснээс Сангклабури хотод байдаг манай гаригийн хамгийн урт модон гүүр усанд автаж эвдэрсэн байна. 850 метр урт энэ гүүрийг 1985 онд барьж 2009 онд засварласнаар манай гаригийн сонин хачинд дуртай олон мянган жуулчдын нүд хужирласаар ирсэн юм. Хэдэн хоног үргэлжилсэн борооны улмаас голын усны түвшин эрс дээшилж гүүрийг ус аван зарим бэхэлгээ нь унаснаар  одоо гүүрийн 79 метрийн хэсэг нураад байгаа юм байна. Цаг агаар муу, бороотой байсан болохоор гүүр нурах үеэр энд жуулчид ч, нутгийн иргэд ч байгаагүй байна. Голын ус сүүлийн 30 жилд байгаагүй хэмжээнд хүрч үерлэж байна гэж нутгийн эрх баригчид хэлж байгаа юм байна.