Дэлхий улс орнуудаас гар утас хамгийн үнэтэй худалдаалдаг газар Өмнөд Солонгос гэнэ. Саяхан хийсэн үнэ ханшийн судалгаагаар бол Өмнөд Солонгост гар утас дунджаар 415 ам.долларын үнэтэй байдаг бол Японд 390 ам.доллараар, Канадад 350,  АНУ-д 323, Норвегид 281 ам.доллараар худалдаалагддаг байна. Гэтэл дэлхийн дундаж нь 116 ам.доллар байгаа юм. Өөрөөр хэлбэл гар утас авах дундаж үнэ 116 ам.доллар байхад Өмнөд Солонгост түүнээс хоёр дахин өндөр үнээр утас авч байгаа аж. Судлаачдын үзэж буйгаар хэдийгээр дэлхий даяар гар утасны үнэ нэлэнхүйдээ буурсан ч Өмнөд Солонгост гар утасны өртөг 2017 он хүртэл өндөр хэвээр байж, 400 ам.доллараар худалдаалагдах болно гэжээ.