Испанид 89 хүний аминд хүрсэн галт тэрэгний осол гараад удаагүй байхад Италид мөн л олон хүний амийг авч одсон томоохон осол гарчээ. Италийн Наплес хотоос 50 жуулчин гэр рүү нь авч явсан автобус замаасаа гарч, хажуугийн ангал руу нь унаж осолджээ. Ослын улмаас 37 хүн амь үрэгдсэн мэдээ байна. 11 хүн бэртэж гэмтсэний дотор дөрвөн хүүхдийг эсэн мэнд татаж гаргажээ. Гэхдээ тэднээс цөөнгүй хүний бие хүнд байгааг эмч нар мэдэгдсэн байна. Автобусны жолооч өөрөө нас барсан тул осол юунаас болж гарсныг одоохондоо олж мэдээгүй байна. Автобус замаас гарахаасаа өмнө дугуй нь хагарч буудсан бололтой чимээ гарч, нэлээд хэдэн машин мөргөсний дараа хажуугийн ангал руу унасан гэж гэрчүүд ярьжээ.