Католик шашны тэргүүн, Ромын пап Франсуа Бразильд айлчилж, сүсэгтэн олонтой уулзаж байгаа билээ. Тэрээр өчигдөр Рио Де Жанейрогийн Копакабана далайн эрэгт болсон Дэлхийн залуусын өдөр хэмээн шашны ёсолд оролцсон юм. Энэ ёслолд оролцож, пап ламын айлдвар сургаалийг сонсох гэсэн гурван сая гаруй хүн далайн эрэг дагуу хөл гишгих зайгүй шахам цуглажээ.
Латин Америкаас католик шашны тэргүүн болон тодорсон хамгийн анхны пап ламыг харах гэсэн, түүний сургаалийг сонсох гэсэн сүсэгтэн дунд  зөвхөн Бразиль гэлтгүй бусад орны мөргөлчид, тэр дундаа Аргентиний Ерөнхийлөгч Кристина Фернандез, Боливийн төрийн тэргүүн Эво Моралес нар байсан юм. Бразилийн Ерөнхийлөгч Дельма Руссеф ч мөргөл ёслолд оролцож, пап ламыг хүндэтгэж буйгаа илэрхийлжээ.
Бразилийн хүн амын 65 хувь буюу 123 сая хүн католик шашинтан бол 22 хувь буюу 26-42 сая хүн протестант болон өөр шашин шүтдэг байна.