“Хүчит шонхор” захын удирдлагууд тэдэнд тавьсан торгуулийг хүчингүй болгож өгөхийг ШӨХТГ-аас хүссэн байна. Захын удирдлага түрээсийн үнийг үндэслэлгүйгээр нэмсэн, түрээслэгчдэд харилцан адилгүй үнэ санал болгодог зэрэг нь тогтоогдсон учраас Өрсөлдөөний тухай хууль зөрчсөн гэж үзэн 110 сая төгрөгөөр торгох болсон юм. Өнгөрсөн хугацаанд алдаа дутагдлаа засч, түрээсийн үнэ нэмсэн үндэслэлээ тайлбарлахыг гурван ч удаа сануулж, шаардсан боловч чихгүй толгойлсон гэнэ. Тиймээс торгуулийн хэмжээг хэвээр үлдээж хуулийн дагуу хүсэлтийг нь хүлээн авах боломжгүй гэсэн хариу өгсөн байна.