Ерөнхийлөгчийн сонгуулийн дараагаас намаа шинэчлэнэ хэмээн МАН-ын залуу гишүүд идэвхтэй тэмцэж байгаа. Тэд намын Бага хурлыг энэ сарын 30-нд хуралдуулахгүй бол тус хурлын гишүүдийн гуравны нэгээр ирц бүрдүүлэн хурлаа хийнэ хэмээн мэдэгдээд буй юм. Гэсэн хэдий ч намын удирдлагууд нь өнөөг хүртэл хариу өгөөгүй байгаа ч гандан буурахгүй тэмцэж буй залуус албан ёсны цахим хуудастай болжээ. Цахим хуудсаараа дамжуулан намаа хэрхэн шинэчлэх, шинэчлэхийн тулд юу хийх ёстой талаар  гишүүдийнхээ дэмжлэг, санал санаачилгыг авах аж. Мөн тэд өөрсдийнхөө хийх гээд байгаа ажил, саналуудаа цахим хуудастаа байрлуулж олон нийтэд мэдээлэх зорилготой гэсэн. “Шинэчилье” хөдөлгөөнийхөн цахим хуудсаа өнөөдөр нээх юм байна.