Испанийн Сантьяго-де-Компостела хотын төмөр замын буудлаас холгүй газарт суудлын галт тэрэг осолдон бүх вагон нь унаж, хамгийн сүүлчийн вагон нь бүрэн сүйрсний улмаас нас барсан хүний тоо 56 болоод байна. Үүний өмнө нийтдээ 200 орчим зорчигчтой  явсан галт тэрэгнээс 40 хүн нас барлаа гэж мэдээлж байсан юм. Ослын дараа хүчтэй дэлбэрэлт болсон гэж нутгийн иргэд хэлж байна. Энэ нь хохирлын тоог улам нэмсэн бололтой. Ослын газарт холбогдох албаныхан ажиллаж бэртэж гэмтсэн хүмүүст авран туслах, ослын шалтгаан нөхцөлийг тодорхойлох ажил хийж байгаа юм байна. Урьдчилсан таамгаар галт тэрэг тойруу дээр эргэж чадаагүйгээс осол гарсан бололтой гэж үзэж байгаа юм байна.