Хятадын Хубей мужийн Дайэ хотын нэгэн орон сууцны барилгын 24 давхрын цонхны хаалт төмөрт толгойгоо шургуулан гацсан байсныг аврагчид оршин суугчдын тусламжтайгаар аварчээ. Гэртээ цоожлуулан ганцаар үлдсэн таван настай охин өндөр дээрээс орчныг харах гэж сониучирхаж тагтны хашлага дамжин явж байгаад “азаар” толгойгоо төмөрт  оруулчихаад буцааж гаргаж чадахгүй нэлээд удаан зогсчээ.
Хүүхэд уйлах чимээгээр хажуугийн айл нь дуудлага өгч, улмаас аврагчид ирж, тагтны төмөр хаалтыг эвдэж, охиныг дотогш оруулжээ. Хэрэв охин толгойгоо ингэж гацаагаагүй байсан бол 70 метр өндөр барилгаас аль хэдийнэ уначих байсан хэмээн оршин суугчид ярьж байна.