Кембрижийн гүнж Кейт Миддлтоноос хүү төрөх үү, охин төрөх үү хэмээн таамаглацгааж байсан хүмүүс одоо хан хүүд ямар нэр өгөх вэ гэдэг дээр ухаан санаагаа уралдуулж эхлээд байна. 31 жилийн өмнө эцэг Уильямынхаа мэндэлж байсан  Гэгээн марийн эмнэлэгт гурван кг 800 грамм жинтэй төрсөн хан хүүд ямар нэр өгөх вэ гэдэг эцэг эхээс нь гадна бооцоо тавигчдын бас нэг шалтаг болж байна. Олон хүн хүүд Жорж хэмээн нэрлэх байх гэж байна. Жаал хүүд өгч болох хамгийн магадлалтай 10 нэрэнд Жеймс, Хенри, Артур, Луи, Альберт, Александр, Бенжамин, Дэвид, Филипп гэсэн нэрүүд орж байна.
Хан хүү Уильям, Кейт хоёр хатан хааны гэр бүлийн уламжлал ёсоор хүүгээ төртөл хүйсийг нь нууцалсан шигээ ямар нэр өгөхөө өнөө болтол ил зарлаагүй байна.
Саяхан баталсан хуулиар бол Уильяам, Кейт хоёрын хүүхдийг эрэгтэй эмэгтэй байхаас үл хамааран хаан ширээ залгамжлуулна гэж тогтсон юм.