Кока кола бидний нүднээ хэзээний танил болсон шрифтээ аль 1887 оноос, арын фон болсон улаан дэвсгэрийг 1920-иод оноос хойш солилгүй ашигласаар өдгөө тэр л дүр төрхөөрөө дэлхий нийтийн оюун санаанд хоногшоод байгаа билээ. Кока кола гэхээр төсөөлөгддөг улаан өнгө ногооноор солигдвол ямар санагдаж байна.
Кока кола компани Аргентинд ногоон савтай кола худалдаалж эхэлсэн бөгөөд зөвхөн сав баглаагаар зогсохгүй доторхи найрлагаа ч бага зэрэг өөрчилжээ. Коланы найрлага дахь элсэн чихрийн оронд саахар орлуулагч ашигласнаар хүний эрүүл мэндэд учруулах хор нөлөөг, калорийг нь багасгаж, илүү эрүүл гэж хэлж болохоор болгожээ. Мөн ундааны хуванцар савыг дахин 100 хувь ашиглахуйц болгон үйлдвэрлэсэн нь байгаль орчиндоо ээлтэй, “ногоон” бүтээгдэхүүн болгож байгаа аж. Тийм ч учраас Кока кола компанийнхан алдарт улаан логоныхоо өнгө төрхийг ногооноор солихоос татгалзаагүй бололтой.