Японы хууль тогтоох дээд байгууллага, парламентын дээд танхимын 121 суудлын төлөө тус улсын улстөрийн есөн нам өрсөлдөх сонгууль өнөөдөр өглөө эхэллээ. Энэ сонгууль тус улсын эрх барих улс төрийн нам Либерал ардчилсан нам болон “Комэйто” намын эвсэлд  сонгогчдын итгэл ямар байгааг харуулах сонгууль болно гэж улстөрийн ажиглагчид үзэж байна. Хоёр намын эвсэл сонгогчдын итгэл хүлээхийн тулд 63 суудал авах ёстой болж байна. Үүнээс гадна энэ удаагийн сонгуульд сонгогчдын оролцох идэвх гурван жилийн өмнөх сонгуулийг бодвол унаад байгаа гэж байгаа юм. Өглөөний 10 цагийн байдлаар нийт сонгогчдын 8,62 хувь саналаа өгөөд байгаа нь гурван жилийн өмнө энэ цагт нийт сонгогчдын 9,9 хувь нь саналаа өгч байсантай харьцуулахад буурсан үзүүлэлт гарч байна. Японы 47 аймгийн санал хураах байруудад одоогоор гарсан зөрчилгүй явж байна. Японы парламентын дээд танхим болох зөвлөхүүдийн танхим нийт 242 суудалтай,  депутатуудын бүрэн эрх зургаан жилийн хугацатай байдаг ч тэдний талыг нь гурван жил болоод сонгодог юм.