Израилын Эртний түүх болон Еврейн их сургуулийн археологчид эртний Хирбат-Кияфа хотын орчим судалгаа хийж байгаад библийн Шаараим хотын туурийг олсон байна. Эндээс эрдэмтэд МЭӨ Х зуунд хамаарах хоёр ч том байгууламжийн суурь олсон нь нэг нь хааны ордон, нөгөө нь агуулах гэж байна.
Мэргэжилтнүүдийн үзэж байгаагаар бол нэг мянга орчим хавтгай дөрвөлжин метр талбай бүхий энэ ордон нь МЭӨ Х зууны үед эрх барьж байсан Давид хааны ордон байсан юм байна.Ордноос гарсан зам нь хотын хаалга хүрээд, цааш нь Давид хааны цэрэг Голиафын цэргүүдтэй тулалдсан Эла голын хөндий хүрдэг байна. Эндээс ордныг барьсан барилгын материал, хийц, тансаг эд зүйлүүд олдож байгаа нь Иудын үед хүчирхэг гүрэн байсныг харуулж байна гэж эрдэмтэд хэлж байгаа гэнэ. “Газар дундын тэнгисээс баруун зүгт Хевроны өндөрлөг зэргийг харж байхаар өндөрлөгт байрласан ордон байж. Энэ нь түүдэг асааж цэргүүдэд дохио өгөх хамгийн тохиромжтой газар” гэж хайгуулын экспедицийн тэргүүн хэлжээ.