Н.Энхбаяр нарын хэрэгт холбогдуулан шалгагдаж байгаа НИТХ-ын дарга асан Т.Билэгтийг АНУ-аас ирэхэд нь Урьдчилан саатуулах 461 дүгээр ангид саатуулаад байсан билээ. Харин түүний эрүүл мэндийн байдлыг харгалзан үзэж гадуур шалгахаар болж, батлан даалтад гаргажээ. Т.Билэгт АНУ-д зүрхний хагалгаанд орсон, биеийн байдал нь гүйцэд дээрдээгүй байгаа аж.
Түүнд холбогдох хэргийг эргэн сануулахад Улаанбаатар хотын Засаг даргаар ажиллаж байхдаа эрх мэдлээ урвуулан ашиглаж “Өргөө” зочид буудал болон Улаанбаатар таймс сонины барилгыг хууль бусаар хувьчилсан гэх хэрэгт буруутгагдаад байгаа билээ.