ОХУ-ын нийслэл Москва орчимд үргэлжлэн орсон борооны улмаас үер болж нийслэлийн баруун өмнөд район усанд автаж зарим газраа нэг ме?тр хэртэй ус урсч байна. Баруун өмнөд хэсгийн Боровскийн замд гэхэд л 50 метр өргөнтэй, 1,5 метр гүн ус туулж 100 гаруй метрийг хамарчээ. Солнцевогийн районд авто замын хөдөлгөөн зогсч “Мерседес “ маркийн машин бүр живж, ус хамж оджээ. Горькийн гудамжинд микроавтобус хөрвөөж таван хүн нэрвэгдсэн байна. Энэ орчмын хэд хэдэн тосгон, сууринд гэрэл цахилгаан тасарсныг сэргээсэн байна. Цаг уурчид Москва орчимд дахиад долоо хоногийн туршид бороо үргэлжлэн орно, заримдаа дуу цахилгаантай гэж анхааруулж байна.