Манай өмнөд хөрш БНХАУ-ын Төмөр замын сайд асан Лю Жизюньд цаазаар авах ял оноолоо хэмээн Синьхуа агентлаг дамжуулсан байна. Түүнийг албан тушаалаа урвуулан ашиглаж авлига авсан гэж ийм ял оноожээ. Тэр төмөр зам барих ажилд тендер зарлахдаа авлига авсан гэж буруутган шүүх ажиллагаа зургадугаар сараас эхэлсэн юм. Лю Жизюнь Төмөр замын сайдын ажлыг 2003 оноос хийж 2011 онд чөлөөнд гарна гэж байсан ч шинэ удирдлага нь томилогдоогүй байсаар  2012 оны арваннэгдүгээр сард ХКН-аас хөөжээ. Тэр Төмөр замын сайд байхдаа энэ яамыг татан буулгахгүйн төлөө хэдэн жил эрчимтэй хөөцөлдөж байсан ч энэ оны гуравдугаар сард татан буулгаж Тээврийн яамтай нийлүүлсэн юм.