Оросын тэрбумтан, олигарх Олег Дерипаска 2013 оны ажлын үр дүнгийн шагнал болох гурван сая ам.долларын бонусаа ажилтнууддаа тарааж өгчээ. Хөнгөн цагааны  “Русал” компанийн эзэн тэрээр гурван сая ам.долларыг 120 ажилтандаа хувьцаа авахад нь зарцуул гэж өгсөн байна. Хэрэв ажилтнуудад зориулж авсан хувьцаа өсвөл тэдний мөнгө ч дагаад өснө гэсэн үг.
Хөнгөн цагааны үйлдвэрлэлээр дэлхийд тэргүүлэх Русал компани дэлхий даяар 19 оронд байрлах 20 үйлдвэртээ 72 мянган ажилчинтай юм. О.Дерипаска энэ компанийг 2009 оноос удирдаж эхэлсэн. Түүний хувийн хөрөнгө 8,5 тэрбум ам.доллар гэж Форбес тооцсон байдаг.