Их Британийн Ерөнхий сайд бизнесийн хүрээлэлд шагнал гардуулах үедээ ОХУ-ын Ерөнхийлөгч Путинийг “чимхээд” авчээ. Их наймын уулзалтын үеэр төрийн тэргүүнүүд зангиагүй явсан тухай тайлбар өгөхийг сэтгүүлчид хүссэний дараа Кэмерон ингэж наргисан аж. Тэрээр “Би жаал хайнгадуу хувцасласан байсан. Уг нь бол зангиа зүүх ёстой байсан юм. Гэхдээ та нар хэн ч хараагүй байхад төрийн тэргүүнүүд ямар хувцас өмсөх ёстой талаар юу яригдаж байсныг мэдэхгүй л дээ. Владимир Путин нь морь унаж, цээж нүцгэн явахыг санал болгож байсан гээд бод. Харин би хэтрүүлэлгүйгээр өмсгөл өдөр тутмын бас гоёлын байх ёстой гэж зүтгэх ёстой байлаа” гэсэн байна.
ОХУ-ын Ерөнхийлөгч урд нь цээж нүцгэн морь унаж зургаа авахуулсныг санаад ийнхүү наргисан аж. Үнэн хэрэг дээрээ Путинийг Сирийн асуудлын талаар Их Британийн байр суурийг зөвшөөрөөгүй гэж хариугаа авсан гэж дийлэнх ажиглагчид үзэж байна.