Сенегалын эрх баригчид өнгөрөгч ням гарагт Чад улсын Ерөнхийлөгч асан Хиссен Хабрег баривчилсан байна. Экс Ерөнхийлөгчийг хүнлэг ёсны эсрэг гэмт хэрэг үйлдсэн гэж сэжиглэж байгаа аж. Хабре нь найман жил төр барихдаа сөрөг хүчний эсрэг хомроглон устгах ажиллагаа явуулсан гэж буруутгагдаж буй. Хабре нь АНУ-ын тухайн үеийн эрх баригчдын тусламжтайгаар 1982-1990 онд Чад улсыг захирахдаа улс төрийн сөрөг хүчний талыг баримтлагч 40 мянган хүнийг аймшигтайгаар хэрцгийлэн устгажээ.
1990 онд Чад улсад  болсон төрийн эргэлтийн дараа Хабре нь хөрш зэргэлдээ Сенегал руу дүрвэн гарч, орогнож байгаад ийнхүү баривчлагдсан байна.
Чад улс нь Хабрег төрийн эсрэг гэмт хэрэг үйлдсэн гэж цаазаар авах ял ногдуулсан юм.