Гурван сансрын нисгэгч тээсэн Хятадын сансрын “Шэньжоу-10” хөлөг тойрог замд 15 хоноод өчигдөр амжилттай газардлаа. Сансрын хөлөг өглөөний есөн цагийн үед Өвөрмонголын өөртөө засах орны нутагт газардсан байна. 15 хоног дэлхийн тойрог замд ниссэнээр энэ хөлөг нь  Хятадын сансар судлалын дээд амжилтыг тогтоожээ.

Хятадын сансрын хөтөлбөр нь гурван үе шаттай явагдаж байгаа. Эхний шатанд 2003 онд нисгэгчгүй сансрын хөлөг ба хоёр сансрын нисгэгч бүхий “Шэньжоу-5” хөлгийг, 2006 онд “Шэньжоу-6” сансрын хөлгийг хөөргөсөн.
Хоёр дахь шатыг одоо хэрэгжүүлж байгаа бөгөөд сансарт хөлгүүдийг автомат ба гар удирдлагаар залгах технологийг туршин боловсронгуй болгох зорилготой юм. Гурав дахь шатанд 2020 онд Хятадын сансрын станцыг хөөргөн ажиллуулж эхэлнэ.