Сонгуулийн Ерөнхий хорооноос Ерөнхийлөгчийн сонгуулийн ирцийн мэдээг 22:00 цагийн байдлаар танилцууллаа. Улсын хэмжээнд сонгогчдын 63.89 хувь нь саналаа өгсөн гэсэн мэдээллийг СЕХ-ны дарга Ч.Содномцэрэн мэдээллэв. Гэхдээ энэ дүн эцсийн дүн биш юм. Учир нь Увс, Ховд, Баян-Өлгий аймаг сонгуулийн санал хураалт хараахан дусаагүй байгаа бөгөөд 23:00 цагт дуусах аж.
Бусад аймаг, сум, дүүргийн хэсгийн хороонд сонгуулийн санал хураалт 22:00 цагт дуусч хэсгийн хороодоос ирцийн мэдээ болон санал хураалтын мэдээг нэгтгэн СЕХ-ны төв серверт эхнээсээ ирүүлээд байгаа гэнэ. Гэхдээ зарим хэсгийн хороод нь үүрэн холбооны операторуудын сүлжээгүй газар байгаа учир саналын дүнгээ сүлжээтэй газраас явуулах аж. Тиймээс санал хураалтын дүнг нэгтгэхэд учир дутагдалтай гэж байна. Тэрчлэн энэ сарын 14-16-нд гадаад улсад суугаа монгол иргэдийн саналыг авсан. Тэгвэл дээрх саналын хуудсыг яг одоо СЕХ-нд тоолох ажлыг эхлүүлээд байгаа аж.
Хуульд аймаг, нийслэлийн сонгуулийн хороо хэсгүүдээс дүн мэдээгээ авч нэгтгэх хугацаа нь гурав хоног, СЕХ-нд хоёр хоногийн хугацаанд мэдээллэх аж. Гэхдээ сонгуулийн урьдчилсан мэдээг СЕХ маргаашийн дотор мэдээллэнэ гэлээ. СЕХ дараагийнхаа мэдээллийг цагийн зөрүүтэй гурван аймгийн дүн мэдээг авсны дараа жич зарлаж хэвлэлийнхэнд мэдээллэнэ гэдгээ хэллээ.

Сонгуулийн ирцийн мэдээллийг доорх хүснэгтээс харна уу

№	Аймаг, дүүрэг	22:00 цагийн байдлаар
ОРОН НУТАГТ:
1	Архангай	59.26
2	Баян-Өлгий	65.8
3	Баянхонгор	63.02
4	Булган	62.49
5	Говь-Алтай	66.88
6	Говьсүмбэр	66.03
7	Дорноговь	62.43
8	Дорнод	51.21
9	Дундговь	61.28
10	Завхан	69.36
11	Өвөрхангай	63.23
12	Өмнөговь	64.82
13	Сүхбаатар	69.16
14	Сэлэнгэ	59.58
15	Төв	62.15
16	Увс	67.62
17	Ховд	64.28
18	Хөвсгөл	62.14
19	Хэнтий	60.11
20	Дархан-Уул	63.67
21	Орхон	63.82
		62.92
НИЙСЛЭЛД:
22	Багануур	65.85
23	Багахангай	67.12
24	Баянгол	67.85
25	Баянзүрх	63.65
26	Налайх	64.55
27	Сонгинохайрхан	64.07
28	Сүхбаатар	65.27
29	Хан-Уул	67.1
30	Чингэлтэй	64.77
		65.13