АНУ-ын тусгай албадын маш нууц хөтөлбөрийг дэлхийн нийтэд ил болгосон Эдвард Сноуденийг тойрсон шуугиан үргэлжилсээр. Хэр­гийн эзэн одоогоор Хон­конгт нуугдаж байгаа бөгөөд саяхан Америкийн тусгай албад хятад хүмүүсийн бич­сэн мессежүүдийг онцгой хянадаг гэсэн мэдэгдэл хийв. Энэ зуур АНУ-ын Засгийн газар Хонконгийн эрх баригч­дад хандан Сноуденийг барив­чилж, Америкт хүлээлгэн өгөх хүсэлт гаргалаа. Ингэхдээ Сноуденийг хүлээлгэн өгөх ажлыг удаашруулах, хориг саад тавих нь хоёр талын харил­цааг ээдрээтэй болгож магадгүй гэж анхааруулга өгсөн байна. Америкийн эрх баригчид Сноуденийг тагнуул хийсэн, төрийн мэдлийн мэдээллийг хулгайлсан гэж албан ёсоор эрүү үүсгэн шүүхэд дуудсан аж. Харин Хонконгийн эрх баригчид одоохондоо энэ талаар ямар нэг мэдэгдэл хийгээгүй байна. Сноудений илчилсэн утас­ны яриа, интернэт хандал­тыг нууцаар чагнах хөтөл­бөрийн ачаар Америкийн тус­гай албад 50 гаруй алан хядах ажиллагааг илчилсэн гэж мэдэгдсэн юм. Ул­маар нууц хөтөлбөрийг ил болгосноор Америкийн аюулгүй байдалд ноцтой хохи­рол учирсан гэнэ.