Дэлхийн хамгийн урт өдрийг Нью-Йоркчууд тун өвөрмөцөөр тэмдэглэн өнгөрүүлэх гэж байна. Дэлхийн хамгийн завгүй хотын нэг Нью-Йоркийн хамгийн хөл хөдөлгөөнтэй, дуу шуугиантай Times Square-т өнөөдөр амар амгалан ноёлж, хэдэн мянган хүн нэгэн зэрэг иогийн дасгал хийнэ. Нью-Йоркчууд гудас дэвсгэрээ авчран Times Square-ийн гудамж талбайд суун, дасгалаа хийх юм. Энэхүү нийтийн иогийн дасгал өглөөний долоон цаг 30 минутад эхэлж, нар жаргах хүртэл үргэлжлэх юм байна.

Энэхүү нийтийн иогийн дасгал зун цаг ирснийг Нью-Йоркчуудад мэдрүүлэх, нөгөө талаар их хотын завгүй амьдрал дунд хэсэгхэн зуур ч болов өөрөө өөртөө амар амгаланг авчрах нь ямар чухал болохыг харуулах гэж хичээсэн явдал юм. Нью-Йоркчууд энэхүү нийтийн иогийн дасгалыг 11 дэх жилдээ хийж байгаа юм.