Нийтийн тээврээр зорчих тасалбарын үнэ нэмэхийг эсэргүүцэж Бразилд өнгөрсөн долоо хоногийн сүүлчээс эхэлсэн тайван жагсаал өргөжиж эмх замбараагүй байдал болон хувирлаа. Жагсагчид цагдаа хүчний байгууллагынхантай мөргөлдөж, энд тэнд түүдэг асааж байна. Том хотуудад нийтдээ 200 гаруй мянган хүн эсэргүүцлийн арга хэмжээнд оролцож байгаа мэдээлэл байна. Жагсагчид төрийн үйлчилгээний чанар, хууль хүчний байгууллагын хүчирхийлэл, Засгийн газар дахь авлига зэрэгт сэтгэл дундуур байгаагаа илэрхийлж байгаа юм.
Тэд мөн улс оронд нь эрүүл мэнд, боловсрол, аюулгүй байдал, тээвэр гээд нийгмийн амьдралд зарцуулах хөрөнгө мөнгө хүрэлцэхгүй байхад 2014 онд болох хөл бөмбөгийн дэлхийн аваргын тэмцээн, 2016 оны зуны олимпын бэлтгэлд тэрбум тэрбумаар хөрөнгө зарж байгааг шүүмжилж байна.