Жон Кеннедигийн 50 жилийн тэртээ Хүйтэн дайны тухай үг хэлж байсан Берлиний алдарт Бранденбургийн хаалганаа Ерөнхийлөгч Барак Обама үг хэллээ. Умард Ирландад болсон Их найман орны удирдагчдын уулзалтаас буцах замдаа Германд айлчилж буй АНУ-ын Ерөнхийлөгч Бранденбургийн хаалганд хуран цугласан олонд хандан үг хэлэхдээ хүйтэн зэвсэг, зэвсэглэлээр хөөцөлдөх асуудлыг хөндсөний зэрэгцээ Европын өрийн хярал, эдийн засгийн талаар ч байр сууриа илэрхийлсэн юм.  Зэвсэглэлээр хөөцөлдөх тухайд улс орнууд цөмийн зэвсгээ аль болох бууруулах бодлого баримтлах хэрэгтэй гэсэн санаагаа дахин давтсан тэрээр өөрөө гадны аюулт зэвсгээс чамгүй сайн хамгаалсан байв. Б.Обамаг олон нийтийн өмнө үг хэлэх үед тайзан дээр сум нэвтэрдэггүй томоохон шилээр хаалт босгож тавьсан нь Ерөнхийлөгчийн тангараг өргөх ёслолын үеэр Конгрессын ордны гадна засдаг хамгаалалтаас ч чанга байгааг харууллаа.