Гадаадад амьдарч байгаа монгол иргэдийнхээ саналыг энэ сарын 14-16-ны өдрүүдэд авч дуусаад байгаа юм. Энэ талаар СЕХ-ны дарга Ч.Содномцэрэн, Гадаад байгаа иргэдийн санал авах комиссын дарга, Гадаад харилцааны яамны Төрийн нарийн бичгийн дарга н.Цогтсайхан нарын албаны хүмүүс мэдээлэл хийлээ. Гадаадад байгаа сонгуулийн эрх бүхий насны иргэдийн саналыг авч дуусч, ирцийн мэдээгээ СЕХ-оо танилцуулав. Сонгуулийн 39 салбар комисст 6478 иргэн бүртгүүлснээс 6233 сонгогч сонгууль өгөх нэрсийн жагсаалтад бүртгүүлжээ. Үүнээс 4248 сонгогч санал өгсөн нь сонгуулийн ирц 68.2 хувьтай байгаа аж. Гадаадад улсаас санал өгсөн иргэдийн саналыг энэ сарын 26-нд Ерөнхийлөгчийн сонгуулийн саналтай хамтад нь тоолох аж. Өнгөрсөн УИХ-ын сонгуультай харьцуулахад санал өгсөн иргэдийн тоо 50 гаруй хувиар нэмэгдсэн гэдгийг холбогдох албаныхан хэлж байна.
Хамгийн олон хүн санал өгсөн орон нь ОХУ 750 бол удаах нь АНУ, БНСУ-д байгаа иргэд сонгуульд идэвхитэй оролцжээ.