Америкийн Массачусетс мужийн нэгэн иргэн бүр зургаан жилийн өмнө гэрийнхээ гаднаас металл хайгчийн тусламжтайгаар ер бусын чулуурхаг зүйл  олжээ. Тэгээд олзоо гэрийнхээ гадаа орхисон нь тэндээ таван жил гаруй хэвтэж. Саяхан түүний хамаатан эмэгтэй өнөөх чулууг  Америкийн сансар судлалын “NASA” агентлагт илгээтэл өнөөх нь олон улсын сансрын “Мир” станцын юм уу, тээврийн “Прогресс” хөлгийн нэг хэсэг байсан бололтой гэсэн дүгнэлт гарчээ. Уг чулуурхаг зүйл нь өндөр температурээс болоод тийм ер бусын төрхтэй болсон гэжээ.
Оросын сансрын “Мир” станц 15 жил ашиглагдаад Номхон далайд унасан ч түүний зарим хэсэг хуурай газарт унасан байх магадлалтай юм.