Гадаадад байгаа монголчууд анх удаа УИХ-ын сонгуульд оролцсон бол мөн л анх удаа Ерөнхийлөгчийн сонгуульд оролцох эрхтэй болж байгаа юм. Шинэчилсэн бүртгэлд хамрагдсан иргэд сонгуульд оролцох эрхтэй болох ба хамгийн сүүлийн үеийн мэдээлэлэр 6500 орчим иргэн бүртгэлд хамрагджээ. Ийнхүү дээрх иргэд маргааш Монгол Улсын ерөнхийлөгчийн сонгуульд анх удаа санал өгөх юм. Гадаадад байгаа иргэдээс хамгийн олноор бүртгүүлсэн нь Сөүл1454, Вашингтонд 838 монголын иргэн байгаа аж. Хоёр өдөр үргэлжлэх санал хураалт зургадугаар сарын 16-ны 22.00 цагт дуусгавар болж, битүүмжилсэн саналын хуудсыг СЕХ-нд ирүүлэх юм байна. Харин гадаадад байгаа иргэдийн саналыг энэ сарын 26-ны өдөр болох санал хураалтын дүнтэй нэгтгэн тоолно.