Умард болон Өмнөд Солонгосын тус бүр гурван хүний бүрэлдхүүнтэй төлөөлөгчид хоёр улсын хил дээрх цэрэггүй бүсийн  Пханмунжом цэг дэх “Энх тайвны ордон” гэдэг асарт уулзжээ. Уулзалт ердөө 45 минут үргэлжилж хоёр талын төлөөлөгчид энэ долоо хоногт Сөүлд сайд нарын уулзалт хийх талаар санал солилцжээ. Ийм уулзалт хийх саналыг БНАСАУ тавьж байгаа юм. Өнгөрсөн долоо хоногийн пүрэв гарагт хоёр Солонгосыг нэгтгэх Умард Солонгосын хорооны төлөөлөгч хоёр талын хамтын ажиллагааг сэргээх, өмнөд солонгосын жуулчдыг Кымгансанд амраах боломж олгох санал тавьж байсан юм. Өмнөд Солонгосын тал энэ уулзалтыг энэ долоо хоногийн лхагва гарагт хийх санал тавьжээ.