Хэдэн долоо хоногийн өмнө Девон гүнлэгийн нэгэн фермер төрөөд хэдхэн хоносон, эхээсээ өнчирсөн нэгэн унага олсон байна. Тэгээд бараг харангадах гэж байсан хөөрхий унагыг фермер эр ойролцоох үндэсний хүрээлэнгийн ажилтнуудад өгчээ. Малын эмч нар унагаа сүүгээр угжиж халамжилсан ч өнчин унага ганцаардаж байгаа нь анзаарагдсан байна. Хүрээлэнгийн ажилтнууд ч байнга дэргэд нь байж чадахгүй байлаа. Тэгээд тэд нэгэн мэргэн арга бодож олсон нь яг л хүүхэд шиг нялх амьтанд чихмэл баавгай авч өгсөн байна. Унага хэсэг хугацаа өнгөрөхөд 120 см өндөр чихмэл баавгайтайгаа дотносон бүр ижилджээ. Одоо унага бүр сэргэж, амьтны хүрээлэнгийн ажилтнууд ч Ветерка унагандаа туйлан хайртай гэнэ.