Шведийн гүнж Маделейн хуримаа хийхээр эх орноо зорин ирлээ. Тэрээр Нью-Йоркийн банкир Кристофер Онилтой гэрлэх гэж байгаа юм. Гурван жилийн өмнө сүйт залуудаа хууртагдаж, сэтгэл зүрхээ шархлуулсны дараа Америкийг зорьсон гүнж Нью-Йоркоос шинэ хайр дурлалаа олжээ. 30 настай гүнжийн хуримд Европын язгууртан, ихэс дээс оролцохоор Шведэд хүрэлцэн ирээд байна.
Маделейн гүнж 20-иод насандаа “үдэшлэгийн хатан хаан” гэгддэг, Стокгольмын өндөр зэрэглэлийн цэнгээний газраар их үйлчлүүлдэг нэгэн байсан юм. Тэрээр найман жил үерхсэн хуульч залуутайгаа хуримаа хийхээр товлоод байсан ч сүйт залуу нь түүнийг хуурсан нь хэвлэлээр ил болж, сүйгээ цуцалсан билээ. Түүнээс хойш гүнж Нью-Йоркт амьдарч ээжийнхээ байгуулсан Дэлхийн хүхдүүд сангийн ажлыг удирдаж байсан юм. Хуримаа хийсний дараа хос хоёр АНУ-д амьдрах юм байна. 
