-Тог тасрахаар хүмүүс юу хийдэг вэ?
-Хүүхэд.
Нэг иймэрхүү онигоо шахуу зүйл байдаг. Тэгвэл үүнийг баталсан бас нэг жишээний гэрч нь нью-йоркчууд болоод байна. Өнгөрсөн оны аравдугаар сард Нью-Йорк хавийн мужуудыг Сэнди хар салхи нэрвэсний улмаас тог цахилгаан тасарч, үер бууж, оршин суугчид хэд хоногтоо гэртээ хөл хоригдсон. Гэрэл цахилгаангүй, гадагшаа гарах эрхгүй болсон оршин суугчид юу хийх вэ. Харанхуй, тавгүй цаг учраас хамгаалалтын тухай ч бодоход хэцүү тэр үед олдсон олон хүүхэд ирэх 7-8 сарын үеэр төрөх гэж байна. Энэ үед төрөлтийн тоо жирийн үеийнхээс даруй 20 хувиар өндөр байх тооцоо хүртэл гарч. Тиймээс тэр үед төрөх хүүхдүүдийг Сэндигийн хүүхдүүд гэж аль хэдийнэ нэрлээд амжжээ.