Ерөнхийлөгчийн сонгуулиар гадаадад буй Монголын 6494 иргэн саналаа өгөхөөр бүртгүүлээд буй. Тэдний бүртгэлийг нэгтгэн Гадаадын улс орнуудад байгаа иргэдээсээ санал авах ажлыг зохион байгуулах Комисс Улсын бүртгэлийн ерөнхий газарт хүргүүлжээ. Сонгуулийн ерөнхий хороо дээрх тоонд үндэслэн саналын хуудсыг хэвлүүлж эхэлсэн байна. Ерөнхийлөгчийн сонгуулийн тухай хуульд зааснаар СЕХ саналын хуудсыг дугтуйн хамт битүүмжлэн, Комиссоор дамжуулан нийт салбар комисст санал авах өдрөөс гурваас доошгүй хоногийн өмнө хүргүүлэх учиртай аж.