Үүн шиг эрсдэлтэй ёслолд нялх хүүхдээ оролцуулах эцэг эх тийм ч олон байхгүй л болов уу. Харин Испанийн хойд нутгийн Кастрилло де Мурсиа тосгоныхон эрсдлийг үл харгалзан, бяцхан үрсээ эртнээс нааш уламжилж ирсэн ёслолд оролцуулдаг юм. Дэлхийн хамгийн хачин ёс заншлын тоонд ордог энэ зан үйлээр бол хэдхэн сартай нялхасыг тосгоны төв талбайд газар хэд хэдээр нь хэвтүүлээд дээгүүр нь харайдаг ёстой. Хүүхдүүдийн дээгүүр харайдаг хүний Эл Качо гэх бөгөөд түүгээр чөтгөрийг илтгэж байгаа юм. Эл Качо хүүхдүүд дээгүүр харайхад хүүхдийн биед буй муу муухай зүйл бүхнийг үлдэн хөөдөг гэж энэ нутгийнхан итгэдэг байна. Тэртээ 1621 оноос хойш уламжилж ирсэн энэхүү шашны зан үйлийн үеэр нэг ч удаа золгүй явдал тохиолдож байгаагүй ч Испанийн энэ ёслол бусад орны хувьд хачин жигтэй, бас маш аюултай гэж тооцогддог хэвээрээ л байгаа юм. Ердөө 500 гаруйхан хүн амтай энэ бяцхан тосгоныхон ер бусын энэ заншлаараа дэлхий дахинд танигдсан юм. 
