АНУ-ын Оклахама мужид болсон хар салхины үеэр Америкийн Торнадо судлаач нэрт эрдэмтэн Тим Самарас амь алдсан байна. Гамшиг ганц 55 настай эрдэмтнийг  дайрсангүй, түүний хүү хамтран зүтгэгч 24 настай Пол Самарас, 45 настай судлаач Карл Янг нар хамт амь алджээ. “Тэд өөрийнхөө дуртай ажлаа хийж яваад бүгд амь алдсан “гэж талийгаач мэргэжилтний ах Жим Самарас хэлсэн байна.
Тим Самарас олон жилийн туршид байгалийн энэ аюулт үзэгдлийг судалж  телевизээр “Хар салхины мөрөөр” гэдэг хөтөлбөр явуулдаг байсан юм.
Өнгөрсөн баасан гарагт Оклахама муж, Миссури, Иллнойс мужуудыг таван ч хар салхи дайрч зеөвхөн Оклахама мужид гэхэд л 11 хүн нас барсны хоёр нь хүүхэд байна. Харин Миссури мужид гурван хүн амь алдсан юм.