Хэдэн өдрийн өмнө Хятадын коммунист намын сахилга батын төв комиссын дарга Ван Чишань нь томоохон албан тушаалтнууд гадаадад сурч байгаа хүүхдээ төгссөний дараа нь заавал нутагтаа эргүүлж авчрах ёстой гэж мэдэгджээ. Ингэж хүүхдээ буцааж татахад жилийн хугацаа өгсөн байна. Хүүхдээ жилийн хугацаанд Хятадад буцаан авчраагүй албан тушаалтныг суудлаас нь буулгах хүртэл арга хэмжээ авах аж. Ийм шаардлагыг энэ онд орлогч сайд хүртэлх албан тушаалтнуудад тавиад байгаа бол дараа жилээс бүх сайд нарт тавих ажээ. Намын хатуу хяналт шалгалтаас айсан өндөр албан тушаалтнууд дийлэнхдээ гэр бүл, үр хүүхдээ гадаадад гаргаад, бүх хөрөнгө мөнгөө тэдний нэр дээр шилжүүлдэг болсонтой ийм аргаар тэмцэхээр шийдсэн бололтой.
Америкийн статистик судалгаанаас үзвэл Хятад дахь сайдын зиндааны албан тушаалтнуудын хүүхдүүдийн 74.5 хувь, ач нарын 90 хувь нь ногоон карттай эсвэл америкийн иргэншилтэй байдаг ажээ.
