Опра Уинфри Харвардын их сургуулийн хүндэт доктор болжээ. Миссиссипигийн хөдөөгийн фермийн ядуу охин тэрбумын хөрөнгөтэй,  дэлхийн хамгийн алдартай сэтгүүлч болсон нь Америкийн гайхамшигтай түүхийн нэг хэмээн түүнд хүндэт докторын зэрэг олгосон профессор Хенри Луй Гейтс үнэлжээ. Опра Уинфри зөвхөн хувийн карьертаа амжилт олоод зогсохгүй “Опрагийн сахиусан тэнгэрүүдийн сүлжээ”-г байгуулж 1998 оноос хойш 70 сая ам.доллар босгож, түүгээрээ 13 улсад 50 сургууль барьсан юм.

Ярилцлагын хатан хаан гэгддэг Опра карьерынхаа туршид АНУ-ын үе үеийн Ерөнхийлөгч нараас эхлээд урлаг соёлын од, жирийн иргэд гээд 35 мянган хүнтэй ярилцлага хийж, энэ гайхамшигтай амжилтынхаа дүнд 2,7 тэрбум ам.долларын хөрөнгийн эзэн болсон юм.