“Жендерийн мэдрэмжтэй удирдлага ба ур чадвар” сэдэвт сургалт өнөөдөр 11 цагт Улаанбаатар зочид буудлын “Өргөө” танхимд болно. Сургалтыг Ерөнхий сайдын ахлах зөвлөх, Жендерийн Үндэсний хорооны дэд дарга Л.Гансүх, Монгол Улсын Хүний Эрхийн Үндэсний Комиссын дарга Ж.Бямбадорж нар нээж үг хэлэх аж. Уг арга хэмжээнд ЖҮХ-ны 22 гишүүн, ЖҮХ, ХЭҮК-ын Ажлын албаны дарга, ажилтнууд оролцоно.
Монгол Улсын Хүний Эрхийн Үндэсний Комиссын урилгаар манай улсад айлчилж буй ХБНГУ-ын Бундестагийн гишүүн асан профессор Херта Даублер Гмелин оролцож “Жендерийн мэдрэмжтэй төрийн бодлого ба шийдвэр гаргагчдын анхаарах асуудал”, “Жендерийн мэдрэмжтэй бодлогыг хэрэгжүүлэх төрийн байгууллагын бүтэц, хүний нөөцийн чадавх” зэрэг сэдвүүдээр лекц унших юм байна.