АНУ-ын Орегон мужийн прокурор 17 настай Грант Экордыг аллага үйлдэх гэж байсан хэмээн буруутгаж байна. Экордыг Олбани хотын дунд сургуульд бөмбөг дэлбэлэхээр бэлтгэж байсан гэж сэжиглэж байгаа юм. Өнгөрсөн баасан гаригт цагдаагийн газарт нэг хүү сургуулиа дэлбэлэх гэж бөмбөг бэлтгэж байна гэсэн дуудлага ирсний дагуу очиход Экордын унтлагын өрөөнөөс гар хийцийн зургаан ч тэсрэх бодис олсон байна. Бас гэмт хэргээ хэрхэн үйлдэх талаар гараар бичснэ төлөвлөгөө ч гарчээ. Прокурорын газрын таамаглаж байгаагаар бол Экорд 1999 онд Колорадо мужид хоёр сурагч сургуульдаа гал нээж 12 хүүхдийн амь нас хөнөөгөөд амиа хорлосон шиг гэмт хэрэг хийхээр төлөвлөж байсан бололтой.