Энэтхэгийн Чхаттисгарх мужид маоист бүлгийн зэвсэгт дайчид Энэтхэгийн Үндэсний конгресс намын орон нутгийн  төлөөлөгчид халдах үеэр 17 хүний амь үрэгдлээ гэж орон нутгийн цагдаагийнхан мэдээлжээ. Амь үрэгдсэн хүмүүсийн 12 нь улс төрч байсан бол тав нь цагдаагийн ажилтан байсан байна. Харин намын төлөөлөгч Нанд Кумар Пател, түүний хүү хоёрыг зэвсэгт этгээдүүд хулгайлж авч явсан гэжээ. Улстөрч хязгаарын нэгэн хотод болсон цуглаанаас буцаж явахад нь зэвсэгт бүлэглэлийнхэн ийн дайрч авто цуваа руу бөмбөг шидэж дэлбэлээд, дараа нь гал нээсэн байна.
Намын ажилтан найман ч хүн хүнд шархаджээ. Чхаттисгарх муж нь төв Энэтхэгт байрладаг, маоист бүлэглэлийнхэн идэвхтэй ажилладаг газар юм. Маостууд омгуудыг нэгтгэх, газаргүй тариачдын төлөө гэсэн нэрийн дор засгийн газрын эсрэг зэвсэгт тэмцэл өрнүүлж халдлага дайралт хийн, улстөрчид рүү дайрдаг  юм.