Байна аа, байх байхдаа бүр хэдэн зуун мянгаараа алга болдог юм байна. Жил бүрийн тавдугаар сарын 25-ныг дэлхий даяараа сураггүй алга болсон хүүхдүүдийн дурсгалыг хүндэтгэх өдөр болгон тэмдэглэдэг. 1972 онд Нью-Йорк хотоос алга болсон, зургаан настай Элэн Патц хүүгийн дурсгалд зориулж тухайн үед АНУ-ын Ерөнхийлөгч байсан Рональд Рейган энэ өдрийг ийн тэмдэглэж байх болжээ.
Хүүхэд, ер хүн алга болно гэхээр итгэмгүй. Гэхдээ л дэлхийн улс орнуудад ор сураггүй, манайхны хэлдгээр усанд хаясан чулуу шиг алга болох тохиолдол олон, бүр санаанд оромгүй дэндүү олон байсаар байна.
Дэлхийн улс орнуудад энэ тоо ямар байна вэ....


-    АНУ-д зөвхөн 2001 онд гэхэд л 840 хүн сураггүй алга болсныг Холбооны мөрдөх товчоо эрж байсан байна. Энэ чинь тус улсын 300 хүн тутмаас нэг нь алга болсон гэсэн үг шүү дээ, та минь ээ. Тэгэхэд австралид бол бүр аймаар 100 хүний нэг нь алга болдог гэнэ.
-    “АНУ-д жилд 800 мянган хүүхэд алга болж байгаа нь өдөрт 2000 хүүхэд сураггүй алга болж байна гэсэн үг” хэмээсэн бас нэг баримт байна.
-    Их британид  жилд 250 мянган хүн алга болдог, 20 мянга нь огт олддоггүй. Үүний 100 мянга орчим нь хүүхэд алга болж байгаа нь таван минут тутамд нэг хүүхэд алга болж байна гэсэн үг.
-    Канадад зөвхөн 2007 онд гэхэд л 60,6 мянган хүүхэд сураггүй алга болсон байна.
-    Белги бол жижигхэн орон болохоор харьцангуй гайгүй. Гэхдээ 1991-96 онд гэхэд л 1300 хүүхэд сураггүй алга болсон.
-    Францад 39 мянган хүүхэд сурагүй алга болсон болү Германд 50 мянга, Испанид 8400, Италид 1100, Грект 500 хүүхэд алга болж байна.
-    Германд жил бүр 100 мянган хүүхэд залуус сураггүй алга болсон гэж бүртгэгдэж байна.
-    Австралид нэг жилд 35 мянган хүн сураггүй алга боллоо гэж бүртгэгддэгээс 95 хувь нь олддог бол 1600 орчим нь сураггүй болсонд тооцогддог байна.
-    Орост сураггүй алга бологсдын тоо жилд 70-100 мянга дотор эргэлддэг. Эдний 20 орчим хувь нь хүүхэд.  2010 оны байдлаар гэхэд л 55 мянган хүүхдийг эрэн сурвалжилж байжээ.
Хамгийн сүүлд Украины Харьков хотод 13 настай хүү Несин Максим Вячеславович өнгөрсөн 19-ний өдөр гэрээсээ гараад эргэж ирээгүй тухай мэдээ байна. 13 настай, 140 см өндөртэй эрэгтэй хүүхэд. Энэ мэтчилэн усанд хаясан чулуу шиг сураггүй алга болох явдал байсаар. Харамсалтай нь нэг биш зуу биш, хэдэн зуун мянгаараа.