Ерөнхийлөгчийн сонгуульд МАН-аас нэр дэвшсэн Б.Бат-Эрдэнэ өнөө өглөө үүрээр нутгийн зүг хүлгийн жолоо залжээ. Тэрээр Хэнтий аймгийн Цэнхэрмандал, Жаргалтхаан сумаар дайрч иргэдтэй уулзалт хийж, Ерөнхийлөгчийн сонгуульд өрсөлдөх мөрийн хөтөлбөрөө танилцуулсан байна. Харин дөнгөж сая тэрээр төрсөн нутаг болох Өмнөдэлгэр суманд очжээ. Түүнийг нутгийн зон олон нь хүлээн авч байна гэж хамт яваа хүмүүс нь мэдээллэв.
Нэр дэвшигч Б.Бат-Эрдэнэтэй хамт УИХ-ын гишүүн Д.Дэмбэрэл, Д.Лүндээжанцан, МАН-ын ерөнхий нарийн бичгийн дарга Г.Занданшатар, Ж.Сүхбаатар, Ж.Мөнхбат болон бусад албаныхан дагалдаж байгаа аж. Мөн түүний гэр бүл, хоёр охин нь аавынхаа ажил хэргийг дэмжиж хамт яваа гэнэ. Түүний цувааг УИХ-ын гишүүн асан Н.Ганбямба Хэнтий аймгийн нутгийн зааг, хилээс тосч авсан байна. Аварга маань өнөө шөнөдөө Дорнод аймаг орж хоноглохоор төлөвлөөд байгаа гэнэ.