Монгол Улсын Ерөнхийлөгчийн сонгуульд АН-аас нэр дэвшигч, өнөөгийн Ерөнхийлөгч Цахиагийн Элбэгдорж дөнгөж сая Сонгуулийн Ерөнхий хороон дээр хүрэлцэн очиж нэр дэвшигчийн үнэмлэхээ авлаа. Түүнийг СЕХ-нд очиход АН-ын Ерөнхий нарийн бичгийн дарга Ц.Оюундарь, УИХ-ын гишүүн Г.Баярсайхан, С.Одонтуяа, ЦЕГ-ын дарга Т.Билэгт нарын хүмүүс  дагалдаж очсон байна. Ц.Элбэгдоржийг нэр дэвшигчийн үнэмлэхээ авахад СЕХ-ны албан байрны гадаа, Эрх чөлөөний талбайд АН-ын гишүүд, дэмжигчид “Ерөнхийлөгчөө дэмжье” гэсэн уриа, АН-ын туг далбаа барин цугларсан байлаа.
Одоо 12,00 цагаас МАХН-аас Монгол Улсын Ерөнхийлөгчид нэр дэвшигч Н.Удвал, түүний дараа МАН-аас нэр дэвшигч Б.Бат-Эрдэнэ нэр дэвшигчийн үнэмлэхээ гардаж авна.