Италийн бизнесмен Марчелло ди Финицио ээлжит эсэргүүцлээ Ватиканы гэгээн Петрийн сүмийн орой дээр үргэлжлүүлж байна. Тэрээр сүмийн бөмбөгөр орой дээр Италийн далбаа байрлуулан дээр нь “Бөөнөөр нь алан хядах ажиллагаагаа зогсоо. Ромын пап Франциск евро бүсийг орхих арга хэмжээ аваач” гэсэн уриа хаджээ. Тэр бас аялал жуулчлалын салбарт “Болкестейны директив” нэртэй арга хэмжээг эсэргүүцэж байгаагаа хэлж байна. Европын холбооны хэмжээнд нэвтрүүлэх арга хэмжээний үрээр Италид хөрөнгө оруулалт буурч ажилгүйдэл өснө. Мөн италийн фирмүүд, айл өрхөд эдийн засгийн хүндрэл учирна” гэж байгаа юм байна.
Марчелло ди Финицио Италийн Ерөнхий сайд Марио Монтигийн эдийн засгийн бодлогыг эсэргүүцэж өнгөрсөн 2012 оны аравдугаар сарын 3-нд мөн л гэгээн Петрийн сүмийн бөмбөгөр орой дээр гарч шөнийг өнгөрөөж байсан юм. Тэгэхдээ тэрээр “Туслаарай. Монти, Европ, үндэстэн дамжсан корпорациудаа одоо болоо шүү дээ” гэсэн уриа барьж байсан юм. Цагдаа нар түүнийг буулгахаар оролдсон ч амжилтгүй болж байсан юм.